تېڭشۈن تەرجىمانىغا ئۇيغۇرچىنى ئاۋازلىق ئوقۇش ئىقتىدارى قوشۇلدى

  ئاڭلاشلارغا قارىغاندا، بۇ قېتىمقى يېڭى قارا تېخنىكا ئىقتىدارىنىڭ ئەڭ يارقىن نۇقتىسى تېڭشۈن  مىللىيچە خەنزۇچە تەرجىمان گۇرۇپپىسى بىلەن تېڭشۈن AI Lab نىڭ تۇنجى قېتىملىق ھەمكارلىقى، مىللىي تىلنىڭ يېپيېڭى تەلەپپۇزى ئۈچۈن ئىشلىتىش تەسىراتى بەرپا قىلىش.  مىللىيچە خەنزۇچە تەرجىمان گۇرۇپپىسى تىل ماتېرىيال ئامبىرى ۋە ئالدى بەت قوللاش بىلەن تەمىنلىگەن، يادرولۇق ئاۋاز ئىلىمى قېلىپى ۋە ۋوكودېر قىسىمىنى AI Lab تەمىنلىگەن. تېخنىكا تەرەپتىن، AI Lab ھاسىللىما كۆپ ئادەم كۆپ ئۇسلۇبلۇق نېرۋا تورى ئاۋاز ئىلمى قېلىپى ئىشلىتىپ، ئۆلچەملىك ئۇيغۇر تىلى رايۇنىدىن 200 نەپەردىن ئارتۇق، جىنىسى، تەلەپپۇزى، ئىنتوناتسىيەسى، ئۇسلۇبى ھەرخىل كىشىلەرنىڭ ئاۋازىنى ئۈنگە ئېلىپ، ھەقىقىي ساپ ئۇيغۇر تىلى تەلەپپۇزى ۋە ئاھاڭىنى ئۆگىتىپ؛ ھەمدە ئۆزىدىكى ئاۋاز ئۈنۈمى بىر تەرەپ قىلىش بۆلىكىنىڭ يۇقىرى ئەينەنلىكتىكى ئاۋاز كودلىغۇچى تەرىپىدىن، جانلىق، ئېنىق بولغان تاۋۇشنى بىرىكتۈرۈپ، مەيلى تىڭشىغۇچ ياكى ياڭراتقۇدا قويسۇن، كىشىگە ئازادە ئاڭلاش سېزىمى ھېس قىلدۇرىدۇ. بۇ قېتىمقى يېڭى ئىقتىدارنىڭ ئېلان قىلىنىشىدىكى يارقىن نۇقتىسى كۆزنى قاماشتۇرىدۇ، ھەقىقىي تۈردە ئاڭلاش-يېزىش، رەسىمدىن خەت تونۇش بىر مۇكەممەللەشكەن تەرجىمان ئىشلىتىش تەسىراتىنى ھېس قىلدۇرىدۇ.

  شۇنىڭ بىلەن بىرگە، تېڭشۈن  مىللىيچە خەنزۇچە تەرجىمان گۇرۇپپىسىنىڭ بىلدۈرىشىچە، بۇ قېتىمقى يېڭىلاشتا، تېڭشۈن  مىللىيچە خەنزۇچە تەرجىمان گۇرۇپپىسى تەتقىق قىلىپ چىققان ئۇيغۇر تىلى تاۋۇش پەرىقلەندۈرۈشى ئۈچۈن ئەڭ ئىلغار ئاۋاز ئىلمى قېلىپى ۋە لۇغەت قېلىپى ئىشلىتىلگەن. ئۇيغۇر تىلىدىكى چەكسىز سۆزلۈك، سۆز يىلتىزى، سۆز ياسىغۇچى قوشۇمچىلارغا قارىتا مودېل قۇرۇش مەسىلىسىدە، سۆزلۈك پارچىلاش ۋە بىرىكتۈرۈش مەسىلىسىدە، ھەمدە كۆپ ئۇچىرايدىغان تەلەپپۇزدىكى ئارىلاشتۇرىۋېتىش مەسىلىلىرىنىڭ ھەممىسىدە ئىلگىرىلەش بار بولۇپ، پەرىقلەندۈرۈش ئېنىقلىق دەرىجىسى يۇقىرى دەرىجىدە كۆتۈرۈلدى. شۇنىڭ بىلەن بىر ۋاقىتتا، ئۇيغۇرچە-خەنزۇچە تەرجىمىدە ھەرىپ بەلگىنىڭ تەرجىمىسى تېخىمۇ قېلىپلاشتى، كىشى ئىسمى، يەر نامى، ئورگان ناملىرىنىڭ تەرجىمە قىلىنىشى تېخىمۇ توغىرلاندى، تەرجىمە قىلىش مەزمۇنى ھەم ئەڭ كۆپ بولغاندا 2000 خەتنى قوللاشقا كۆتۈرۈلدى. ئەڭ مۇھىمى بۇ قېتىمقى يېڭىلاشتا، تېڭشۈن  مىللىيچە خەنزۇچە تەرجىمانى ئىشلەتكۈچىلەر ئىنكاس ئىقتىدارى ۋە قوش تىللىق مۇلازىم بىلەن پىكىر ئالماشتۇرۇشنى قوللايدىغان بولۇپ، ئىشلەتكۈچىلەر ئۈچۈن تېخىمۇ ئەلا مۇلازىمەت تەمىنلىمەكچى.